[ad_1]
( प्रगत भारत । pragatbharat.com)
कडिपत्त्यातील पोषक तत्व
Healthyfyme.com नुसार प्रत्येक १०० ग्रॅम कडिपत्त्यामध्ये साधारण १०८ कॅलरी असते. याशिवाय यामध्ये फायबर, प्रोटीन, एसेन्शियल ऑईल, एनर्जी, कार्बोहायड्रेट्स, अँटीऑक्सिडंट्स, मिनरल्स आणि अन्य पद्धतीचे विटामिन्सदेखील असतात.
ज्यामुळे कडिपत्ता हा हेल्दी कॅटगरीमध्ये समाविष्ट करण्यात आला आहे. याशिवाय कॅल्शियम, जिंक, लोह, पोटॅशियम, फोस्फोरस, मॅग्नेशियमसारखे मिनरल्सदेखील यामध्ये असतात. तसंच कडिपत्त्यात विटामिन सी, ई, बी१, बी३, बी९ असून अँटीऑक्सिडंटप्रमाणे हे काम करते.
वजन कमी करण्यासाठी
Curry Leaves Juice For Weight Loss: तुमचे वजन सतत वाढत असेल आणि काहीही करून कमी होत नसेल तर कडिपत्त्याचा ज्यूस प्यावा. कडिपत्ता शरीरात डिटॉक्सिफाईंग तत्वाप्रमाणे काम करते. वजन कमी करण्यासाठी याचा उपयोग होत असून शरारीत फॅट जमा होऊ देत नाही.
(वाचा – सकाळीच असे करा जायफळाचे सेवन, बद्धकोष्ठता, गॅस आणि अपचनाची समस्या होईल छुमंतर)
हाय कोलेस्ट्रॉल आणते नियंत्रणात
तुमचे कोलेस्ट्रॉल हाय असेल तर कडिपत्त्याचा रस हा चांगला उपाय आहे. कोलेस्ट्रॉल लेव्हल उच्च राहिल्यास हार्ट अटॅक येण्याचा धोका वाढतो. आठवड्यातून १-२ दिवस कडिपत्ता रस पिऊन तुम्ही कोलेस्ट्रॉल कमी करू शकता. मात्र त्याआधी नक्की डॉक्टरांचा सल्ला घ्या.
(वाचा – शाकाहारी पदार्थ ज्यामधून मिळेल अधिक प्रमाणात प्रोटीन, High Protein साठी करा वेळीच खाणे चालू)
विषारी पदार्थ बाहेर
कडिपत्त्यामध्ये अँटीऑक्सिडंट्स अधिक प्रमाणात असतात. कडिपत्त्याचा रस पिण्यामुळे शरीराला नुकसानदायी ठरणारे विषारी पदार्थ बाहेर फेकले जातात आणि यामुळे तुम्ही अनेक आजारांपासून दूर राहू शकता.
(वाचा – बायकोला चिकटून झोपण्याचे जबरदस्त फायदे, मानसिक आजारांपासून राहता दूर अभ्यासातून सिद्ध)
डोळ्यांची काळजी
कडिपत्त्याच्या रसामध्ये विटामिन ए चे प्रमाण आढळते, जे डोळ्यांच्या आरोग्यासाठी अधिक चांगले मानले जाते. डोळ्यांची दृष्टी वाढविण्यासाठी हे आवश्यक विटामिन असून कडिपत्त्याचा रस प्यायल्यामुळे मोतीबिंदूसारख्या त्रासापासूनही तुम्ही दूर राहू शकता.
हिमोग्लोबिन पातळी राखण्यासाठी
कडिपत्त्यामध्ये लोह अधिक प्रमाणात असते. कडिपत्त्याचा रस पिण्याने शरीरात रक्ताची कमतरता भासत नाही. हिमोग्लोबिनचा स्तर योग्य राखण्यासाठीदेखील तुम्ही कडिपत्त्याचा रस सेवन करू शकता. ज्या व्यक्तींना एनिमियाची समस्या आहे, त्यांनी महिन्यातून १-२ वेळा नक्की याचे सेवन करावे.
प्रतिकारशक्ती वाढते
कडिपत्त्यामध्ये अँटिऑक्सिडंटचे अधिक प्रमाण असते, जे प्रतिकारशक्ती वाढविण्यास मदत करते. तुम्हाला इन्फेक्शन आणि आजारांपासून दूर राहायचे असेल तर कडिपत्त्याचा रस नक्की प्यावा. अर्ध्या कपापेक्षा अधिक याचे सेवन करू नये.
कसा तयार करावा कडिपत्ता रस
नुसता कडिपत्त्याचा रस कडू लागतो. त्यामुळे हा रस तयार करण्याची रेसिपी तुम्ही जाणून घ्या. तसंच डॉक्टरांच्या सल्ल्याशिवाय याचे सेवन करू नका.
- पाणी उकळवा त्यात कडिपत्ता, पुदिन्याची काही पाने आणि दालचिनी पावडर मिक्स करून पुन्हा उकळवा
- हे उकळवून अर्धे झाल्यावर गाळून घ्या
- यामध्ये तुम्ही काळे मीठ अथवा लिंबूही पिळू शकता आणि अधिक कडू लागत असेल तर मधही मिक्स करू शकता
टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा
[ad_2]
